انتظامی مسائل اور موسم خرابی کے باعث ملک بھر میں 12 پروازیں منسوخ، 32 تاخیر کا شکار ہوگئیں۔
فلائٹ شیڈول کے مطابق شارجہ کراچی کی غیر ملکی ایئر لائن کی 2 جبکہ قومی ایئر لائن کی کراچی سے سکھر اور لاہور کی 5 پروازیں، قومی ایئر کی کراچی دبئی کی 1، اسلام آباد دبئی اور گلگت کی 3 پروازیں، غیر ملکی ایئر کی لاہور ریاض کی ایک پرواز منسوخ کی گئی ہے۔
فلائٹ شیڈول کے مطابق اسلام آباد کی 13 اور لاہور کی 9 پروازوں، ملتان، فیصل آباد، سیالکوٹ اور پشاور کی بھی 10 پروازیں تاخیر کا شکار ہوئیں۔
ذرائع کے مطابق پروازوں کے منسوخ اور تاخیر کا شکار ہونے سے مسافروں کو شدید پریشانی کا سامنا کرنا پڑا۔
