وفاقی آئینی عدالت کے جج جسٹس کے کے آغا نے بھی عہدے کا حلف اٹھا لیا۔
اس حوالے سے اسلام آباد ہائیکورٹ میں پروقار تقریب کا انعقاد کیا گیا جس میں آئینی عدالت کے سربراہ جسٹس امین الدین خان نے ان سے حلف لیا۔
ذرائع کے مطابق تقریب میں اسلام آباد ہائیکورٹ کے چیف جسٹس سردار محمد سرفراز ڈوگر، آئینی عدالت کے ججز جسٹس عامر فاروق، جسٹس حسن اظہر رضوی اور جسٹس علی باقر نجفی، اسلام آباد ہائیکورٹ کے ججز جسٹس ارباب محمد طاہر، جسٹس محمد اعظم خان، جسٹس انعام امین منہاس، جسٹس خادم حسین سومرو اور جسٹس محمد آصف، بار ایسوسی ایشنز کے عہدیداران نے شرکت کی۔
