وفاقی وزیر داخلہ محسن نقوی نے کہا ہے کہ پاکستان میں دہشتگردی سرحد پار سے ہو رہی ہے، حملہ آور افغانستان سے آئے۔
وانا میں قبائلی عمائدین سے گفتگو کرتے ہوئے وفاقی وزیر داخلہ نے کہا کہ پاکستان میں دہشتگردی سرحد پار سے ہو رہی ہے، اسلام آباد اسلام آباد اور وانا حملے کرنے والے افغانستان سے آئے، ہمارے مقامی لوگ دھماکوں میں ملوث نہیں۔
انہوں نے کہا کہ فیلڈ مارشل عاصم منیر کہہ چکے ہیں دہشتگردوں سے کوئی بات نہیں ہوگی، کیڈٹ کالج وانا کو پہلے سے بہتر تعمیر کروائیں گے۔
اس موقع پر قبائلی عمائدین نے کہا کہ دہشت گرد اسلام کے مخالف کام کر رہے ہیں، ہم کسی بھی قسم کی دہشت گردی کی حمایت نہیں کرتے۔ انہوں نے کہا کہ ہم ٹی ٹی پی کو نہیں مانتے، پاک فوج دن رات ہماری حفاظت کے لیے قربانیاں دے رہی ہے، وانا کے غیرت مند لوگ کسی بھی دہشت گرد کا ساتھ نہیں دیتے۔
انہوں نے کہا کہ حکومت ہمارے بچوں کو اعلی تعلیم فراہم کر رہی ہے ہم ملک میں دہشت گردی کے خاتمے کیلئے افواج پاکستان اور حکومت کے ساتھ کھڑے ہیں۔
