وفاقی تحقیقاتی ادارے (ایف آئی اے) نے ایک کارروائی کے دوران جعلسازی سے پاکستانی شہریت حاصل کرنے کی کوشش ناکام بناکر افغان شہری سمیت 4 ملزمان کو گرفتار کر لیا۔
ایف آئی اے کے مطابق افغان شہری صدیق اللہ جعلی دستاویزات کے ذریعے پاکستانی شہریت حاصل کرنے کی کوشش کر رہا تھا، یونس خان نے جعلسازی میں اہم کردار ادا کرتے ہوئے خود کو افغان شہری کے والد کے طور پر نادرا میں پیش کیا جبکہ فیاض خان اور سمیع اللہ نے بطور گواہ اور تصدیق کنندگان جعلی تصدیقات فراہم کر کے صدیق اللہ کی شہریت کی غیر قانونی تصدیق میں مدد کی۔
ایف آئی اے حکام کے مطابق گرفتار ملزمان کیخلاف مزید تفتیش جاری ہے اور قانون کے مطابق کارروائی عمل میں لائی جا رہی ہے۔
