نیو یارک: اقوام متحدہ میں مستقل پاکستانی مندوب عاصم افتخار نے کہا ہے کہ پاک ، بھارت جنگ بندی کے باوجود صورتحال اب بھی غیر یقینی کا شکار ہے، پاکستان بھارت کے ساتھ مستقل بنیادوں پرجنگ بندی کیلئے پرعزم ہے۔ غیر ملکی میڈیا سے گفتگو میں عاصم افتخارنے کہا کہ اقوام متحدہ میں پاکستانی مندوب عاصم افتخار نے برطانوی ٹی وی سے گفتگو کرتے ہوئے کہا ہے کہ پاکستان اور بھارت کے درمیان مسئلہ کشمیر اہم اور حل طلب معاملہ ہے اور جنوبی ایشیا میں پائیدار امن کیلئے مسئلہ کشمیر کا حل ضروری ہے۔
انہوں نے کہا ہے کہ مسئلہ کشمیر کو کشمیری عوام کی خواہشات کے مطابق حل کیا جانا چاہئے۔ انہوںنے کہا کہ انہوں نے کہا کہ پاکستان اور بھارت میں سیز فائر کرانے پر امریکی صدر ڈونلڈ ٹرمپ کے کردار کو سراہتے ہیں تاہم صورتحال اب بھی نازک اور غیریقینی کا شکار ہے۔ انہوں نے کہا کہ پاکستان بھارت کے ساتھ مستقل بنیادوں پرجنگ بندی کیلئے پرعزم ہے۔
