روم: آسٹریلیا کے سائیکلسٹ کیڈن گرووزنے گیرو ڈی اٹالیہ سائیکل ریس کا چھٹا مرحلہ جیت لیا، 26 سالہ کیڈن گرووز کی یہ گیروڈی اٹالیہ ریس میں پہلی سٹیج فتح ہے۔ گیرو ڈی اٹالیہ سائیکل ریس کے چھٹے مرحلے میں سائیکل سواروں نے پوٹینزا سے نیپلز تک کا فاصلہ طے کرنا تھا جو پہاڑی راستے پر 227 کلو میٹر پر محیط تھا۔ 26 سالہ آسٹریلین سائیکل سوار کیڈن گرووز نے عمدہ سائیکلنگ کا مظاہرہ کرتے ہوئے 227کلومیٹر کا فاصلہ 4گھنٹے 59 منٹ اور 52 سیکنڈز میں طے کرکے چھٹے مرحلے میں پہلی پوزیشن حاصل کی۔24 سالہ بیلجیئم کے سائیکل سوار میلان فریٹن نے دوسری جبکہ 21 سالہ فرانسیسی سائیکل سوار پال میگنیئر نے تیسری پوزیشن حاصل کی۔
ریس میں ڈنمارک کے سائیکلسٹ میڈس پیڈرسن کا پنک جرسی پر قبضہ برقرار ہے ۔یاد رہے البانیہ سے گیرو ڈی اٹالیہ کا 108 واں ایڈیشن شروع ہوچکا ،گیرو ڈی اٹالیہ ایک گرینڈ ٹور سائیکلنگ سٹیج ریس ہے جو تین ہفتوں میں مکمل ہوگی ، اس میں دنیا کے نامور سائیکلسٹس شریک ہیں۔ 23 ٹیمیں ٹائٹل کے حصول کے لئے کوشاں ہیں۔ گیرو ڈی اٹالیہ سائیکل ریس یکم جون کو اختتام پذیر ہوگی۔
