فیصل آباد: فیصل میں ایک لڑکے نے دوستی نہ کرنے پر دو لڑکیوں کو فائرنگ کر کے زخمی کردیا جبکہ خود کو بھی گولی مار لی۔ تفصیلات کے مطابق فیصل آباد کے علاقے منصورہ آباد میں فیکٹری ملازم شیراز نے دوستی نہ کرنے پر طیش میں آ کر دو لڑکیوں کو فائرنگ کر کے زخمی کردیا جس کے بعد اس نے خود کو بھی گولی مار لی، تینوں کو زخمی حالت میں ہسپتال منتقل کردیا گیا۔ پولیس کے مطابق علشبہ اور آمنہ ایک فیکٹری میں ملازمت کرتی تھی جس میں ملزم شیراز بھی ملازمت کرتا تھا، ملزم نے دونوں لڑکیوں کو دوستی پر مجبور کیا تاہم انہوں نے انکار کردیا جس پر ملزم نے طیش میں آ کر نور فاطمہ چوک پر کھڑی دونوں لڑکیوں کو گولی مار کر خود کو بھی فائرنگ کر کے زخمی کردیا۔ پولیس کے مطابق وقوعہ کا مقدمہ درج کرلیا گیا ہے جبکہ مزید تفتیش بھی جاری ہے۔
فیصل آباد،دوستی نہ کرنے پر لڑکے کی فائرنگ سے دو لڑکیاں زخمی، خود کو بھی گولی مار دی
- فیس بک
- ٹویٹر
- واٹس ایپ
