اسلام آباد: خیبرپختونخوا حکومت نے بجلی چوری کے معاملے پر وفاق سے بات چیت کیلئے رضا مندی ظاہر کردی۔ تفصیلات کے مطابق نجی ٹی وی سے گفتگو کرتے ہوئے مشیر اطلاعات خیبر پختونخوا بیرسٹر محمد علی سیف نے کہا ہے کہ بجلی کی چوری کے معاملے پر وفاق سے بات چیت کیلئے تیار ہیں۔انہوں نے کہا کہ بجلی چوری ختم کرنا وفاقی حکومت کا کام ہے اس پر قابو نہ پاسکناوفاقی حکومت کی نااہلی ہے، وفاقی وزیر کا اپنی نااہلی چھپانے کیلئے خیبرپختونخوا حکومت پر الزم لگانا غیرمناسب ہے۔انہوں نے کہا کہ لگتا ہے اویس لغاری کو اپنی ذمہ داریوں کا پتہ ہی نہیں، بجلی کے خالص منافع کی مد میں بقایاجات ادائیگی کی بجائے ہم پر الزامات لگائے جا رہے ہیں۔انہوں نے کہاکہ وزیراعلی علی امین پہلے ہی تجویز دے چکے ہیں کہ ہمارے بقایات بجلی بلز میں ایڈجسٹ کئے جائیں.
وفاقی وزیر کا اپنی نااہلی چھپانے کیلئے خیبرپختونخوا حکومت پر الزم لگانا غیرمناسب ہے، بیرسٹر سیف
- فیس بک
- ٹویٹر
- واٹس ایپ
