کوہاٹ میں انڈس ہائی وے پر لاچی ٹول پلازہ اور چیک پوسٹ پر دہشت گردوں کے حملے میں 3 پولیس اہلکاروں سمیت 4 افراد شہید ہوگئے۔
پولیس کا کہنا ہے کہ رات گئے دہشت گردوں نے اہلکاروں پر بھاری ہتھیاروں سے حملہ کیا۔
شہید پولیس اہلکاروں میں امجد، جنید اور وقار شامل ہیں، حملے میں لکی مروت کا رہائشی نور محمد بھی شہید ہوا۔
پولیس کے مطابق شہید اہلکاروں کی لاشوں کو اسپتال منتقل کردیا گیا ہے، سیکیورٹی اہلکاروں نے علاقے کو گھیرے میں لے کر سرچ آپریشن شروع کردیا ہے۔
پولیس کا کہنا ہے کہ حملہ آور پہاڑی علاقے کے قریب چھپے ہوئے ہیں، انہیں جلد ختم کر دیا جائے گا۔
