اسلام آباد: پاکستان نے تجارتی تعلقات کے فروغ اور نئے ٹیرف بارے مذاکرات کیلئے اعلی سطحی وفد امریکہ بھیجنے کا فیصلہ کیا ہے جبکہ وزیر اعظم نے وفد میں معروف کاروباری شخصیات ،برآمد کنندگان کی شمولیت یقینی بنانے کی ہدایت کرتے ہوئے کہا ہے کہ پاکستان امریکہ کیساتھ تجارتی شراکت داری کو مزید مضبوط بنانے کا خواہاں ہے۔
جاری بیان کے مطابق وزیراعظم شہباز شریف کی زیر صدارت ملکی برآمدات میں اضافے ، امریکہ کی جانب سے درآمدات پر لگائے گئے نئے ٹیرف سے متعلق جائزہ اجلاس کا انعقاد ہوا جس میں نائب وزیر اعظم و وزیر خارجہ اسحاق ڈار، وفاقی وزراء احد خان چیمہ، محمد اورنگزیب، علی پرویز ملک، مشیر وزیر اعظم سید توقیر شاہ، معاونین خصوصی طارق فاطمی، ہارون اختر، وزیر اعظم کے کوارڈنیٹر رانا احسان افضل اور متعلقہ اعلی حکام نے شرکت ک
ی۔اجلاس میں وزیراعظم کو امریکہ کی جانب سے لگائے گئے نئے ٹیرف،سٹیئرنگ کمیٹی اور ورکنگ گروپ کی رپورٹ سے متعلق بریفنگ دی گئی اور مستقبل کا مجوزہ لائحہ عمل پیش کیا گیا۔اجلاس کو بتایا گیا کہ امریکہ میں پاکستانی سفارتخانہ مسلسل امریکی حکومت کیساتھ رابطے میں ہے۔
اس موقع پر وزیراعظم نے امریکہ کیساتھ تجارتی تعلقات کے فروغ ،نئے ٹیرف بارے مذاکرات کیلئے اعلی سطحی وفد امریکہ بھیجنے کا فیصلہ کرتے ہوئے کہا کہ پاک ، امریکہ تجارتی تعلقات دہائیوں پر محیط ہیں، حکومت امریکہ کیساتھ تجارتی شراکت داری کو مزید مضبوط بنانے کی خواہاں ہے۔
وزیراعظم نے امریکہ کیساتھ مذاکرات کیلئے وفد میں معروف کاروباری شخصیات اور برآمد کندگان کی شمولیت یقینی بنانے کی ہدایت کی۔
