ممبئی: سپر اسٹار عامر خان نے شاہ رخ اور سلمان خان کے ساتھ اپنے تعلقات پرکہا ہے کہ ہم میں سے ہر کوئی ایک دوسرے کو پیچھے چھوڑنا چاہتا تھا، لیکن یہ شمنی دوستانہ مقابلے کی طرح لگتی تھی۔ ایک انٹر یو میں عامر خان نے شاہ رخ اور سلمان خان کے ساتھ اپنے تعلقات سے متعلق گفتگو کرتے ہوئے کہا کہ ہم ہمیشہ سے ایک دوسرے کو پسند نہیں کرتے تھے حتی کہ کیرئیر کے ابتدائی سالوں میں ایک دوسرے کیلئے شدید دشمنی کا احساس رکھتے تھے، یہ تنازعات بھی تھے ان میں سے کئی تنازعات کو میڈیا پر رپورٹ بھی کیا گیا، میں یہاں کچھ نیا نہیں کہہ رہا اختلافات ہوئے ہیں لیکن یہ چیزیں دوستوں کے درمیان بھی ہوتی ہیں کیوں کہ دوستی میں بھی اختلاف ہو سکتا ہے۔
عامر خان کا کہنا تھا کہ ہمیں ایک ساتھ اب 35 سال ہو گئے ہیں، ہم تینوں 1965 میں پیدا ہوئے اور ہم نے کم و بیش ایک ہی وقت میں ڈیبیو کیا، ہمارے درمیان اب وہ دشمنی باقی نہیں رہی،ہم اب ایک دوسرے کے ساتھ آرام دہ اور پرسکون محسوس کرتے ہیں۔
