اسلام آباد: وزیراعظم شہباز شریف نے بلوچستان کے ضلع ہرنائی کے علاقے شاہرگ میں کان کنوں کو لے جانیوالی گاڑی کے قریب دھماکے میں قیمتی انسانی جانوں کے ضیاع پر افسوس کا اظہار کرتے ہوئے زخمیوں کو ہر ممکن طبی امداد فراہم کرنے کی ہدایت کی ہے۔
جاری بیان میں وزیراعظم نے زخمیوں کی جلد صحت یابی اورجاں بحق افراد کیلئے دعائے مغفرت کرتے ہوئے کہا کہ نہتے و معصوم شہریوں کی جان و مال کو نقصان پہنچانے والے درندوں کو کڑی قیمت چکانا پڑے گی،ملک سے دہشتگردی کے عفریت کے خاتمے کیلئے سرگرم عمل ہیں۔
