اسلام آباد: چیئرمین پی ٹی آئی بیرسٹر گوہر نے کہا ہے کہ کمیشن قیام کیلئے 7دن بہت تھے، حکومت کمیشن قائم کرے ، مذاکرات پر دوبارہ غور کرلیں گے۔پارلیمنٹ ہائوس کے باہر میڈیا سے گفتگو کرتے ہوئے بیرسٹر گوہر نے کہا کہ بانی پی ٹی آئی نے مذاکرات ہولڈ کئے ہیں، ہم کھلے دل کے ساتھ مذاکرات میں بیٹھے تھے۔
انہوں نے کہا کہ ہم نے صرف 2مطالبات رکھے تھے، 7دن کمیشن کیلئے کافی تھے لیکن کوئی پراگریس نہیں ہوئی ،حکومت کمیشن قائم کرے ، مذاکرات پر دوبارہ غور کرلیں گے۔
انہوں نے کہا کہ مشترکہ اجلاس میں ہونیوالی قانون سازی کی حمایت نہیں کریں گے، حکومت نے اپنے ایجنڈے پر 8قانون رکھے ہیں۔ انہوں نے کہا کہ ایک 2021 ء کا قانون ہے، پانچ 2023ء کے، دو 2024ء سے پڑے ہیں، 2021ء والا قانون ابھی پاس نہیں ہوسکتا۔
