کراچی: 1997 کے بعدپاکستان کی پہلی سندھی فیچر فلم سندھو جی گونج کا پریمیئر(کل) 21 جنوری بروز منگل کوہو گا ، فلم کا پریمیئر جے پور فلم فیسٹیول میں کیا جائے گا۔یہ فلم تین بین الاقوامی فلم اسٹوڈیوز کے اشتراک سے بنائی گئی ہے، جس میں پاکستان، جنوبی کوریا اور بنگلہ دیش کی پروڈکشن اسٹوڈیوز نے حصہ لیا۔
پاکستان کے معروف اداکار شمعون عباسی اس فلم کے ایگزیکٹو پروڈیوسر ہیں۔ راہول اعجاز کی ہدایت کاری میں بننے والی سندھی فلم سندھو جی گونج کی کہانی دریائے سندھ اور اس کے گرد بسے لوگوں کی زندگی پر مبنی ہے۔
جے پور فلم فیسٹیول میں فلم کے پریمیئر کو پاکستان فلم انڈسٹری کیلیے ایک تاریخی لمحہ قرار دیا جارہا ہے۔ یہ فیچر فلم 1997 میں سینما گھروں میں آخری بار ریلیز ہونے والی سندھی فلم ہمت کے بعد پہلی سندھی فیچر فلم ہے۔ یاد رہے کہ مذکورہ فلم کا ورلڈ پریمیئر کراچی میں 16 جنوری 2025 کو سینی پیکس سینماز اوشین مال میں ہوچکا ہے۔ تاہم پاکستان کے دیگر سینما گھروں میں اس کی ریلیز کی تاریخ کا اعلان ابھی تک نہیں کیا گیا ہے۔
