لاہور: اداکارہ شرمین علی نے کہا ہے کہ میںنے دماغی صحت کی بہتری کے لیے طلاق لی تھی، وقت گزرنے کے ساتھ میرے اندر رشتوں کے کھو جانے کا خوف پیدا ہوگیا۔
ایک پروگرام میں گفتگو کرتے ہوئے انہوں نے کہا کہ طلاق کا فیصلہ میرا اپنا تھا اور اس معاملے پر بات کرنا میرے لیے نہایت مشکل ہے، علیحدگی کا فیصلہ میںنے اپنی دماغی صحت کی بہتری کے لیے لیا تھا اور اس وقت مجھے مکمل یقین تھا کہ میں درست قدم اٹھا رہی ہوں، میرے اردگرد موجود تمام لوگ اس کے خلاف تھے، کسی نے بھی میری حمایت نہیں کی، لیکن اس وقت میںبہت مضبوط اور پرعزم تھیں، مجھے محسوس ہوتا تھا کہ مجھے کسی کی ضرورت نہیں، میں خود اپنے لیے کافی ہوں اور ہر مشکل اکیلے ہی سنبھال سکتی ہوں۔
اداکارہ نے کہا کہ چونکہ اس وقت میں کم عمر تھی، اس لیے مجھے رشتوں کے کھو جانے کا احساس بھی نہیں تھا، لیکن وقت گزرنے کے ساتھ میرے اندر یہ خوف بڑھتا گیا اور اب مجھے ہر رشتے کے ٹوٹنے کا ڈر رہتا ہے۔
انہوں نے بتایا کہ پچھلے سال میرے اسی خوف نے مجھے بہت متاثر کیا، جب ایک قریبی دوست نے میری کمزوری کا فائدہ اٹھا کر مجھ سے تعلق ختم کرلیا، دوست کو کھونے کے خوف نے مجھے شدید متاثر کیا اور میںکئی مہینوں تک خاموش اور افسردہ رہیں۔
