نائب وزیراعظم اور وزیر خارجہ اسحاق ڈار نے کہا ہے کہ پاکستان خود کو دفاعی طور پر ثابت کرچکا، اب معاشی طاقت بنے کا وقت ہے، سعودیہ کے بعد کئی ممالک پاکستان کے ساتھ دفاعی معاہدہ کرنا چاہتے ہیں۔
لندن میں پاکستانی ہائی کمیشن کے باہر میڈیا سے گفتگو کرتے ہوئے بانی پی ٹی آئی عمران خان کے مقدمات سے ہمارا کوئی تعلق نہیں، وہ عدالتوں میں ریلیف حاصل کریں اور باہر آ جائیں۔ انہوں نے کہا کہ پاکستان نے معرکہ حق میں اپنے آپ کو دفاعی طور پر ثابت کردیا ہے، اب معاشی طاقت بننے کا وقت ہے۔
انہوں نے کہا کہ پاکستان اور سعودی عرب کے معاہدے میں دونوں ملکوں کا فائدہ ہے، کسی ملک کو اس معاہدے پر تحفظات نہیں بلکہ کئی دیگر ممالک بھی پاکستان کے ساتھ اس طرح کے معاہدے کرنا چاہتے ہیں۔
