لاہور:وزیراعلی پنجاب مریم نواز نے میجر عزیز بھٹی شہید (نشان حیدر) کو خراج عقیدت پیش کرتے ہوئے کہا ہے کہ وطن عزیز کی خاطر جان کا نذرانہ پیش کرنے والے قوم کے حقیقی محسن ہیں۔
یوم شہادت پر جاری بیان میں مریم نواز نے کہا کہ میجر عزیز بھٹی شہید نے اپنے خون سے تاریخ رقم کی ،ان کی بہادری نسلوں کیلئے مشعل راہ ہے۔ انہوں نے کہا کہ ہماری آزادی اور سلامتی انہی جانبازوں کی قربانیوں کی مرہونِ منت ہے، پوری قوم انہیں سلام پیش کرتی ہے۔
انہوں نے کہا کہ قوم شہدا کی قربانیاں کبھی فراموش نہیں کرے گی، وطن عزیز کی خاطر جان کا نذرانہ پیش کرنے والے قوم کے حقیقی محسن ہیں۔
