کولمبو: سری لنکا نے ایشیا کپ کے لیے چارتھ اسالنکا کی قیادت میں16 رکنی اسکواڈ کا اعلان کردیا۔
اسکواڈ میں چارتھ اسالنکا (کپتان)، پاتھم نسانکا، کوشال مینڈس، کوشال پریرا، نوانیڈو فرنینڈو، کامندو مینڈس، کامل مشرا، داسن شاناکا، ونیندو ہسارنگا، دونیت ویلالاگے، چمیکا کرونارتنے، مہیش تھیکشانا، دشمانتھا چمیرا، بینورا فرنانڈو، نووان تھشارا، متھیشا پاتھیرانا شامل ہیں۔
ایشیا کپ کے لیے سری لنکن ٹیم میں آل رانڈر ونندو ہسارنگا کو بھی شامل کیا گیا ہے۔ جو اس سے قبل شیڈول زمبابوے کے خلاف ٹی ٹوئنٹی سیریز کے اسکواڈ کا حصہ نہیں ہیں۔ ایشیا کپ نو ستمبر سے 28 ستمبر تک یو اے ای میں کھیلا جائے گا۔
سری لنکن ٹیم بنگلہ دیش، افغانستان اور ہانگ کانگ کے ہمراہ گروپ بی میں شامل ہے جبکہ گروپ اے پاکستان، بھارت یو اے ای اور عمان شامل ہیں۔
