اسلام آباد: سپریم کورٹ نے 1980ء کے رولز کی جگہ 2025ء کے رولز لاگو کردیئے ۔ جاری اعلامئے میں کہا گیا ہے کہ یہ رولز عہد حاضر کے جدید تقاضوں کو مدنظر رکھ کر بنائے گئے ہیں جن کی تشکیل کیلئے جسٹس شاہد وحید، جسٹس عرفان سعادت، جسٹس نعیم اختر افغان اور جسٹس عقیل عباسی پر مشتمل کمیٹی تشکیل دی گئی تھی۔
کمیٹی نے سپریم کورٹ ججز، پاکستان بار اور سپریم کورٹ بار سمیت دیگر بارز سے بھی مشاورت کی اور تجاویز کو عدالت کے فل کورٹ کے سامنے رکھا گیا جس نے غور و فکر کے بعد رولز 2025ء کو منظور کیا۔
