بیجنگ (شِنہوا) چین میں ایک اعلیٰ سطح کے اجلاس میں بدعنوانی کے خلاف جدوجہد کے لیے چینی راستے پر ثابت قدمی سے عمل کرنے اور نئے دور میں نظم و ضبط کے معائنے اور نگرانی کے کام کی اعلیٰ معیار کی ترقی کو اعلیٰ معیارات اور مزید ٹھوس اقدامات کے ساتھ آگے بڑھانے پر زور دیا گیاہے۔
کمیونسٹ پارٹی آف چائنہ ( سی پی سی) کے 20ویں مرکزی کمیشن برائے نظم و ضبط معائنہ ( سی سی ڈی آئی) کا چھٹا مکمل اجلاس بیجنگ میں منعقد ہوا۔
کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے رکن اور مرکزی کمیشن برائے نظم و ضبط معائنہ کے سیکرٹری لی شی نے اجلاس سے خطاب کیا۔
اجلاس میں 2026 کی پہلی ششماہی میں نظم و ضبط کے معائنے اور نگرانی کے کام کا جائزہ لیا گیا اور متعلقہ امور پر مئوثر عمل درآمد یقینی بنانے کے لیے مزید انتظامات کیے گئے۔
اجلاس میں سیاسی نگرانی مضبوط بنانے، سیاسی معائنوں کو گہرا کرنے، قیادت کی منتقلی کے دوران نظم و ضبط پر سختی سے عمل درآمد، طرز عمل میں مسلسل بہتری، نظم و ضبط کے نفاذ اور بدعنوانی کے خلاف کارروائی اور عوام کی دہلیز پر بدعنوانی اور نامناسب طرز عمل پر مبنی مرکوز اصلاح جاری رکھنے پر زور دیا گیا تاکہ سال کے تمام کاموں کی اعلیٰ معیار کے ساتھ تکمیل یقینی بنائی جا سکے۔
اجلاس میں ژاؤ شی یونگ کو مرکزی کمیشن برائے نظم و ضبط معائنہ کا نائب سیکرٹری، جبکہ ژانگ ژونگ کو مرکزی کمیشن برائے نظم و ضبط معائنہ کا نائب سیکرٹری اور اس کی قائمہ کمیٹی کا رکن منتخب کیا گیا۔
