اسلام آ باد: وزیر مملکت برائے داخلہ طلال چوہدری نے کہا ہے کہ مدرسہ اور اس کے ساتھ مسجد تھی، راتوں رات آپریشن کی باتیں غلط ہیں، جنوری سے مدرسہ انتظامیہ کے ساتھ رابطے میں تھے، مدرسہ انتظامیہ کی مرضی کی جگہ پر جدید مدرسہ بنایا گیا ایسی باتیں بالکل غلط ہیں کہ بغیر مشاورت کے عمل ہوا، تمام علما کو یقین دلاتے ہیں ہم معاملے کو مشاورت اور افہام و تفہیم سے حل کریں گے، مولانا عبد الغفور حیدری کا بہت مثبت کردار رہا ہے۔
قومی اسمبلی کے اجلاس میں خطاب کرتے ہوئے طلال چوہدری نے کہا کہ ان کے 185طلبہ تھے جنہیں منتقل کیا گیا، ہم نے کوئی بھی قدم ایسا نہیں اٹھایا جو مشاورت کے بغیر ہوا ہے۔
