نیپی تاؤ (شِنہوا) من آنگ ہلائنگ نے میانمار کی یونین پارلیمنٹ میں نصف سے زائد ووٹ حاصل کر کے ملک کے صدارتی انتخاب میں کامیابی حاصل کر لی۔
صدر کے انتخاب کے لئے یونین پارلیمنٹ کے تمام نمائندوں پر مشتمل میانمار کے صدارتی الیکٹورل کالج کا اجلاس منعقد ہوا جس میں 584 نمائندے حاضر تھے۔
ووٹنگ سیشن کے دوران پیتھو ہلٹا (ایوان زیریں) کے نمائندوں کی جانب سے نامزد صدارتی امیدوار من آنگ ہلائنگ نے 429 ووٹ حاصل کئے۔ دونوں ایوانوں سے فوجی نمائندوں کے گروپ کی نمائندگی کرنے والے یو نیو ساؤ کو 126 ووٹ ملے جبکہ ایملوتھا ہولٹاؤ (ایوان بالا) کے نمائندوں کی جانب سے نامزد نان نی نی آیے نے 29 ووٹ حاصل کئے۔
ملک کے انتخابی نظام کے تحت صدارتی الیکٹورل کالج 3 نائب صدور میں سے صدر کے انتخاب کے لئے ووٹ دیتا ہے۔
