پیانگ یانگ (شِنہوا) عوامی جمہوریہ کوریا (ڈی پی آر کے) نے امریکہ اور جنوبی کوریا کی جاری مشترکہ فوجی مشقوں کو خطے کے استحکام کو مزید نقصان پہنچانے والا اقدام قرار دیتے ہوئے سخت تنقید کا نشانہ بنایا ہے۔
ورکرز پارٹی آف کوریا کی مرکزی کمیٹی کے ڈیپارٹمنٹ ڈائریکٹر کم یو جونگ نے کہا کہ بڑے پیمانے پر ہونے والی مشترکہ فوجی مشق فریڈم شیلڈ کوئی "فوجی کھیل” نہیں بلکہ ایک "اشتعال انگیز اور جارحانہ جنگی مشق” ہے جس کا مقصد ڈی پی آر کے کے ساتھ محاذ آرائی کی مشق اور منصوبہ بندی کرنا ہے۔
کم یو جونگ کے مطابق حالیہ عالمی جغرافیائی سیاسی بحران اور پیچیدہ بین الاقوامی حالات یہ ثابت کرتے ہیں کہ دشمن ممالک کی جانب سے ہونے والی تمام فوجی مشقیں دفاع اور حملے، تربیت اور حقیقی جنگ کے درمیان فرق ختم کر دیتی ہیں اور ان کا مقابلہ غیر معمولی حد تک طاقتور اور پیشگی جوابی کارروائی کے ذریعے کیا جانا چاہیے۔
کم یو جونگ نے مزید کہا کہ ڈی پی آر کے کی سلامتی کا دائرہ مکمل طور پر ناقابل خلاف ورزی ہے اور ملک جزیرہ نما کوریا اور خطے کی سلامتی کے تحفظ کے لئے بھرپور اقدامات کرے گا۔
