سیئول (شِنہوا) جنوبی کوریا اور امریکہ نے پیر کو مشترکہ فوجی مشقیں شروع کر دی ہیں جس سے پڑوسی ممالک میں تشویش اور خطے میں کشیدگی بڑھ گئی ہے۔
جنوبی کوریا کے جوائنٹ چیفس آف سٹاف (جے سی ایس) کے مطابق بہار کی سالانہ جنگی مشقیں، جنہیں فریڈم شیلڈ (ایف ایس) کہا جاتا ہے، 19 مارچ تک 11 روز کے لئے جاری رہیں گی۔
مشق کے دوران 22 فیلڈ تربیتی مشقیں کی جائیں گی، جن میں اصل فوجی نقل و حرکت شامل ہوگی۔
گزشتہ سال مارچ میں ہونے والی ایف ایس مشق کے مقابلے میں فیلڈ تربیتی مشقوں کی تعداد نصف سے بھی کم کر دی گئی ہے جو حکومت کی اس پالیسی کی عکاسی کرتی ہے کہ اس طرح کی مشقیں سال بھر کی جائیں۔
سیئول اور واشنگٹن نے زور دیا ہے کہ یہ مشترکہ مشقیں دفاعی نوعیت کی ہیں، تاہم عوامی جمہوریہ کوریا نے اسے شمال کی طرف ممکنہ حملے کی تیاری کے لئے ریہرسل قرار دیا ہے۔
