باکو (شِنہوا) اسرائیل اور امریکہ کی ایران کے ساتھ جاری جنگ کے تناظر میں 18 چینی شہریوں کو ایران سے آذربائیجان منتقل کر دیا گیا۔
جنوبی آذربائیجان کی چیک پوائنٹ آستارا پر موجود شِنہوا کے رپورٹرز نے بتایا کہ یہ چینی شہری مقامی وقت کے مطابق گزشتہ روز دن 2 بج کر 30 منٹ پر آذربائیجان میں داخل ہوئے۔ آذربائیجان میں چینی سفارت خانے کی طرف سے فراہم کی گئی بس شام 4 بج کر 30 منٹ پر ایران سے آنے والے شہریوں کے پہلے گروپ کو لے کر وہاں سے روانہ ہوئی۔ سفارت خانے کے مطابق ایران سے منتقل کئے جانے والے شہریوں کو آذربائیجان کے دارالحکومت باکو میں منتقل کیا جائے گا۔
آذربائیجان میں چینی سفارت خانے نے 28 فروری کو قونصلر انتباہ جاری کرتے ہوئے کہا تھا کہ وہ آذربائیجان میں داخل ہونے والے یا آذربائیجان کے ذریعے واپس چین جانے والے چینی شہریوں کو ضروری مدد فراہم کرے گا۔
