بہار کے تہوار پر عالمی سیاح چین میں خریداری اور سیاحت سے لطف اندوز ہو رہے ہیں

چین میں جاری بہار کے تہوار کی تعطیلات کے دوران بیرونِ ملک سے آنے والے سیاحوں کی خریداری کی ٹرالیوں میں ایک خاموش تبدیلی دیکھنے کو مل رہی ہے۔

عالمی لگژری برانڈز کے ساتھ ساتھ اب ایسی مصنوعات کی تعداد بھی بڑھ رہی ہے جو صرف چین میں دستیاب ہیں۔

یہ محض خریداری میں اضافہ نہیں بلکہ ثقافتی شناخت کا بھی ایک اظہار ہے، یعنی "چین دیکھنے” سے "چین کو اپنے ساتھ گھر لے جانے” تک کا سفر۔

ساؤنڈ بائٹ 1 (انگریزی): فِن گرون باؤئر، نیدرلینڈ کاسیاح

"یہ بہار کا تہوار ہے۔ اس لئے یقیناً بہت سے نئے پروگرام ہو رہے ہیں۔ مجھے لگتا ہے کہ پورا بیجنگ یونیورسل سرخ رنگ میں رنگا ہوا ہے۔ میں نے بِنٹانگ ہولو (چینی میٹھی چاشنی میں لپٹے ہاٹھورن پھل) چکھے جو بہت مزیدار تھے۔ میں نے گھوڑے کے سال کے لئے ایک خوبصورت گھوڑے کا سر اور کچھ کپڑے بھی خریدے۔”

چین بھر کے تھیم پارکس اور ثقافتی مقامات پر غیر ملکی سیاحوں کی بڑھتی ہوئی تعداد کا استقبال کیا جا رہا ہے۔

ساؤنڈ بائٹ 2 (چینی): وو لیجیے، مارکیٹنگ ڈائریکٹر، شنگھائی سمندری تفریحی پارک

"ہم امید کرتے ہیں کہ متنوع لوک روایات کے ساتھ غیر ملکی سیاحوں کو ایک خوشگوار اور منفرد نئے چینی سال کا تجربہ فراہم کریں۔ اس بہار کے تہوار کے دوران جنوب مشرقی ایشیا اور جنوبی کوریا سے آنے والے آرڈرز میں نمایاں سالانہ اضافہ دیکھا گیا ہے۔”

نومبر سے چین کے جنوبی جزیرہ نما صوبہ ہینان میں ڈیوٹی فری پالیسیوں کی تجدید کے بعد کچھ مقامی مصنوعات کو آف شور ڈیوٹی فری اسٹورز میں بغیر ٹیکس فروخت کرنے کی اجازت دی گئی ہے۔

ساؤنڈ بائٹ 3 (انگریزی): روسی سیاح

"چین میں ہینان وہ پہلا جزیرہ ہے جہاں ہمیں جانے کا موقع ملا۔ روس میں بھی ہمارے پاس بہت سی مٹھائیاں ہیں لیکن یہاں کی مٹھائیاں بہت زیادہ رنگین بھی ہیں اور مختلف بھی۔ ہم مختلف پھل، آم اور کچھ غیر معمولی شراب بھی لائے، شاید ناریل کی شراب یا آڑو کی شراب۔ یہ خوبصورت چھوٹی بوتلوں میں ہے۔”

روایتی مصنوعات کے علاوہ، جدید گھریلو ٹیکنالوجی کی مصنوعات اور ڈیجیٹل خدمات بھی عالمی سیاحوں میں مقبولیت حاصل کر رہی ہیں۔

ساؤنڈ بائٹ 4 (انگریزی): ویلریا، روسی سیاح

"ہمارے ملک میں سمارٹ فونز کے وہ ماڈل دستیاب نہیں جو ہم چین کے اسٹورز میں دیکھ سکتے ہیں۔ یہاں مختلف دکانوں میں سمارٹ فونز کے مختلف ماڈلز دستیاب ہیں۔”

ساؤنڈ بائٹ 5 (انگریزی): سونیا، روسی سیاح

” اس مختصر سے سفر کے دوران میرے پاس دکانوں کی ایک بہت لمبی فہرست موجود ہے جہاں میں جانا چاہتا ہوں۔ میں نے چین میں مقبول تمام ایپس ڈاؤن لوڈ کر لی ہیں تاکہ میں انہیں استعمال کر سکوں۔”

ساؤنڈ بائٹ 6 (انگریزی): مارٹن، کروشین سیاح

"چین کی تیارکردہ الیکٹرک گاڑیوں میں استعمال شدہ ٹیکنالوجی واقعی متاثرکن ہے۔

الی پےکے ذریعے ادائیگی واقعی آسان اور منظم ہے۔ مجموعی طور پر یہ ایک بہترین تجربہ رہا۔”

بیجنگ/ شنگھائی/ ہائیکو، چین سے شِنہوا نیوز ایجنسی کے نمائندوں کی رپورٹ

۔۔۔۔۔۔۔۔۔۔۔۔۔۔

ٹیکسٹ آن اسکرین:

غیر ملکی سیاح چین میں بہار کے تہوار کی خوشیاں منا رہے ہیں

بیجنگ یونیورسل اور دیگر مقامات کو سرخ رنگ سے سجایا گیا ہے

تھیم پارکس اور ثقافتی مقامات پر غیر ملکی سیاحوں کی تعداد بڑھ رہی ہے

شنگھائی سمندری تفریحی پارک میں منفرد تجربے فراہم کئے گئے

ہینان میں ڈیوٹی فری پالیسیوں میں سیاحوں کو ٹیکس چھوٹ دی گئی ہے

سمارٹ فونز اور ڈیجیٹل خدمات غیر ملکی سیاحوں میں مقبول ہو رہی ہیں

چینی اسٹورز میں سمارٹ فونز کے مختلف ماڈلز دستیاب ہیں

سیاح الیکٹرک گاڑیوں کی جدید ٹیکنالوجی سے متاثر ہوئے

چین میں نئے سال کا تجربہ غیر ملکی سیاحوں کے لیے یادگار رہا