وزیراعلیٰ خیبرپختونخوا سہیل آفریدی نے تمام کابینہ اراکین کو کھلی کچہریوں کا انعقاد کرنے کی ہدایت کر دی ہے اس سلسلے میں وزیراعلیٰ کی جانب سے کابینہ اراکین اور سیکرٹریز کو بھیجے گئے خط میں بتایا گیا ہے کہ وزیراعلی خیبرپختونخوا نے عوام کا احساس کے نام سے کھلی کچہریوں کا انعقاد شروع کیا ہے، عوام کے مسائل بروقت حل کرنا حکومت کی اولین ترجیح ہونا چاہئے۔
خط میں مزید بتایا گیا ہے کہ عوام کو کئی مسائل درپیش ہیں جس کا حل کھلی کچہریوں کے انعقاد سے کیا جاسکتا ہے، ہر محکمے میں ماہانہ بنیادوں پر کھلی کچہریاں منعقد کی جائے تاکہ عوام کو زیادہ سے زیادہ سہولت ملے۔
