پاکستان کے سب سے بڑے اور مقبول میوزک شو پاکستان آئیڈل میں بنگلادیشی گلوکاروں نے اپنا رنگ جما دیا، گلوکارہ حمیرا بشیر اور گلوکار راجہ بشیر نے دل کو چھو لینے والی آواز میں بنگالی اور اردو زبان کے گانے گائے، دونوں کی شاندار پرفارمنس کی ویڈیوز سوشل میڈیا پر وائرل ہو گئی ہیں اور صارفین کی جانب سے بہت پسند کی جا رہی ہیں۔
سوشل میڈیا صارفین کی جانب سے حمیرا بشیر اور راجہ بشیر کی اردو زبان میں شاندار پرفارمنس کی خوب تعریفیں بھی کی جا رہی ہیں۔
اس کے علاوہ پاکستان اور بنگلادیش کے درمیان دوبارہ دوستانہ تعلقات استوار ہونے پر خوشی کا اظہار بھی کیا جا رہا ہے۔
