ایران اور امریکا کے درمیان جوہری مذاکرات کے التواء سے متعلق گردش کرنیوالی تمام افواہیں دم توڑ گئی ہیں اور دونوں ممالک نے باضابطہ طور پر تصدیق کر دی ہے کہ مذاکرات جمعے کی صبح 10بجے مسقط میں ہی ہونگے۔
ایرانی وزیر خارجہ عباس عراقچی نے سوشل میڈیا پر جاری بیان میں واضح کیا ہے کہ امریکا کیساتھ جوہری امور پر بات چیت طے شدہ وقت کے مطابق عمان کے دارالحکومت مسقط میں ہوگی، انہوں نے مذاکرات کے انعقاد کیلئے سہولیات فراہم کرنے پر عمان کا خصوصی شکریہ بھی ادا کیا جس سے مسقط کے سفارتی کردار کو ایک بار پھر عالمی اہمیت حاصل ہو گئی ہے۔
دوسری جانب دو سینئر امریکی عہدیداروں نے بھی میڈیا سے گفتگو میں اس پیشرفت کی تصدیق کرتے ہوئے کہا ہے کہ ایران کیساتھ مذاکرات عمان میں ہی ہونگے۔
