واشنگٹن (شِنہوا) امریکی صدر ڈونلڈ ٹرمپ نے کہا ہے کہ امریکی فوجی جہازوں کا ایک اضافی "بحری بیڑا” ایران کی طرف روانہ ہے۔ انہوں نے امید ظاہر کی کہ ایران کسی معاہدے پر راضی ہو جائے گا۔
ٹرمپ نے امریکہ کی وسطی مغربی ریاست آئیووا میں ایک ریلی سے خطاب کرتے ہوئے کہا کہ ایک اور خوبصورت بیڑا اس وقت ایران کی طرف خوبصورتی سے روانہ ہے، تو ہم دیکھیں گے۔
ٹرمپ نے مزید کہا کہ میں امید کرتا ہوں کہ وہ معاہدہ کریں گے۔ انہیں پہلے ہی معاہدہ کرنا چاہیے تھا جب ان کے پاس ایک ملک تھا۔
ایک دن قبل امریکی سنٹرل کمانڈ نے کہا کہ ایران کے ساتھ بڑھتے ہوئے تناؤ کے تناظر میں یو ایس ایس ابراہم لنکن کیریئر سٹرائیک گروپ مشرق وسطیٰ میں تعینات کیا گیا ہے۔
گزشتہ ہفتے فوربز نے بتایا تھا کہ یو ایس ایس جارج ایچ۔ ڈبلیو۔ بش نے ورجینیا سے یورپ کے لئے روانگی اختیار کی، جس کے بارے میں قیاس کیا جا رہا ہے کہ اگر واشنگٹن اور تہران کے درمیان تناؤ بڑھتا رہا تو یہ سپر کیریئر بحیرہ روم میں تعینات کیا جا سکتا ہے اور سوئز کینال سے گزر سکتا ہے۔
