پاکستانی فلمساز و مصنف ناصر ادیب نے نامور ہدایت کار سید نور اور اداکارہ صائمہ کی خفیہ شادی سے متعلق مزید راز افشا کرتے ہوئے کہا ہے کہ سید نور صائمہ کی زندگی میں آئے اور مجھے اس بارے میں علم ہوا اگرچہ انکے تعلق کی تصدیق نہیں تھی، مجھے حیرت تھی کہ وہ ان کیساتھ تعلق میں کیسے ہو سکتی ہیں کیونکہ صائمہ بہت باپردہ اور محفوظ طبیعت کی مالک تھیں، بعد میں مجھے انکی شادی کی خبر ملی، انکی شادی میری ایک فلم کے پروڈیوسر کرامت گجر نے کروائی جو دونوں کے قریبی دوست تھے جبکہ پوری انڈسٹری اس شادی کیخلاف ہو گئی کیونکہ کئی ہدایتکار صائمہ سے شادی کرنا چاہتے تھے۔
ناصر ادیب نے مزید بتایا کہ مجھے دکھ نہیں ہوا، لیکن میں حیران تھا کہ صائمہ نے سید نور کو کیوں چنا، میں اب بھی ان کے خلاف تھا، لیکن ایک دن قرآن کا ترجمہ پڑھتے ہوئے میں نے یہ آیت پڑھی کہ پاک عورتیں پاک مردوں کے لیے ہیں اور ناپاک عورتیں ناپاک مردوں کے لیے ہیں۔
ان کا کہنا تھا کہ مجھے معلوم تھا کہ صائمہ ایک نیک عورت ہیں، جن میں لالچ نہیں تھا، اگر انہوں نے سید نور سے شادی کا فیصلہ کیا تو ضرور ان میں کچھ اچھی خوبیاں ہوں گی، اس کے بعد میں نے فورا اپنی تمام رنجشیں ختم کر دیں۔
انہوں نے مزید کہا کہ صائمہ ایک سادہ عورت تھیں، وہ زیادہ دوست نہیں بناتیں اور نہ ہی کسی اسکینڈل میں ملوث رہیں، ان کا صرف ایک ہی اسکینڈل تھا، اور وہ بھی سید نور کے ساتھ۔ ہر عورت کو ایک اسکینڈل کا حق ہوتا ہے۔
ان کا کہنا تھا کہ اس وقت میں سید نور کے خلاف تھا، لیکن بعد میں میں نے ان کے خلاف اپنی دشمنی ختم کر دی اور وہ نہیں بدلے، لیکن میں نے پھر بھی ان کے ساتھ تمام اختلافات ختم کر دیے۔
