سوشل میڈیا پر بالی ووڈ اداکارہ مرونل ٹھاکر کی دھنوش سے ویلنٹائن ڈے پر شادی کی افواہیں گردش کررہی ہیں حالانکہ ماضی میں دونوں اپنے تعلقات سے متعلق قیاس آرائیوں کی تردید کرچکے ہیں۔
فلم انڈسٹری سے وابستہ غیر مصدقہ رپورٹس کے مطابق دونوں 14فروری کو قریبی دوستوں اور اہلخانہ کی موجودگی میں ایک سادہ اور نجی تقریب میں شادی کرنے کا ارادہ رکھتے ہیں تاہم دونوں فنکاروں، ان کے دوستوں یا مینجمنٹ ٹیم کی جانب سے ابھی تک کسی قسم کا رد عمل سامنے نہیں آیا ہے۔
چند ماہ قبل 33 سالہ اداکارہ مرونل ٹھاکر نے ان افواہوں پر کھل کر بات کرتے ہوئے کہا تھا کہ دھنوش میرے صرف اچھے دوست ہیں، مجھے تو ان افواہوں پر ہنسی آتی ہے۔
