امریکہ نے ایک بار پھر کہا ہے کہ ایران کے معاملے پر تمام آپشنز بدستور کھلے ہیں۔
میڈیا سے گفتگو کرتے ہوئے ترجمان وائٹ ہائوس کیرولین لیوٹ نے کہا کہ ایران میں قتل عام جاری رہا تو سنگین نتائج ہونگے، ایران میں 800سزائے موت پر عملدرآمد روک دیا گیا ہے، صدر ٹرمپ ایران کی صورتحال پر قریبی نظر رکھے ہوئے ہیں۔
انہوں نے کہا کہ یورپی ممالک کی گرین لینڈ میں فوجی تعیناتی صدر ٹرمپ کے فیصلے پر اثر انداز نہیں ہوگی، گرین لینڈ اور ڈنمارک پر مذاکرات جاری رہیں گے۔
کیرولین لیوٹ کا کہنا تھا کہ ڈنمارک اور گرین لینڈ سے متعلق اجلاس مثبت رہا، صدر ٹرمپ گرین لینڈ کے معاملے پر تمام آپشنز پر غور کر رہے ہیں۔
