سول ایوی ایشن ٹریننگ انسٹیٹیوٹ (کٹائی) کو ہوائی اڈوں کی عالمی تنظیم ایئرورٹس کونسل انٹرنیشنل میں رکنیت دیدی گئی ہے، انٹرنیشنل ایئرپورٹس کونسل میں شمولیت پاکستان کی ایوی ایشن کیلئے مثبت عمل ہے، عالمی سول ایوی ایشن کے حکام بھی سول ایوی ایشن ٹریننگ انسٹیٹیوٹ میں کورسز کروانے آتے ہیں، سول ایوی ایشن ٹریںنگ انسٹیٹیوٹ میں ایوی ایشن سے متعلق 208 بین الاقوامی معیار کے تربیتی کورس کروائے جاتے ہیں اور اب تک 48سے زائد ممالک کے سول ایوی ایشن سے منسلک ایوی ایشن ماہرین کو کورسز کروا چکے ہیں۔
پاکستان ایئر پورٹس اتھارٹی اور سول ایوی ایشن اتھارٹی کو جوائن کرنیوالے افسران اور عملے کو تربیتی ایوی ایشن کورسز کیلئے سول ایوی ایشن ٹریننگ انسٹیٹیوٹ سے کورسز کرنا لازمی ہوتا ہے، عالمی تنظیم ایئرپورٹس کونسل انٹرنیشنل کے 170ممالک رکن ہیں۔
حکومت نے ایوی ایشن شعبے کو بین الاقوامی معیار پر لانے کیلئے وزارت دفاع کو ٹاسک دے رکھا ہے، سول ایوی ایشن ٹریننگ انسٹیٹیوٹ کا ایئر پورٹس کی عالمی تنظیم میں شامل ہونا ان ہی کاوشوں کا تسلسل ہے۔
