امیر جماعت اسلامی حافظ نعیم الرحمن نے واضح کیا ہے کہ جماعت اسلامی کسی مسلک کی نمائندہ نہیں، 15 جنوری کو ریفرنڈم کروائینگے، عوامی رائے تسلیم نہ کرنے پر لاوا پھٹا تو حکمرانوں کو بھاگنے کا راستہ نہیں ملے گا۔
منصورہ لاہور میں تقریب سے خطاب میں حافظ نعیم الرحمن نے کہا کہ نیتن یاہو عالمی عدالت انصاف کا مجرم ہے، پاکستان کے حکمران ٹرمپ کے آشیرباد کے حصول کیلئے بیتاب رہتے ہیں حالانکہ ٹرمپ نئے نوآبادیاتی نظام کے قیام کیلئے کام کر رہا ہے۔
انہوں نے کہا کہ پنجاب کا نیا بلدیاتی قانون جمہوریت دشمن ہے، دنیا میں تیل کی قیمتیں کم اور ہمارے ہاں اضافہ ہو رہا ہے، ظلم کے نظام اور گلے سڑے عدالتی نظام کو ختم کرنا ہوگا، عوام کی رائے کو تسلیم نہیں کیا جائے گا تو لاوا پھٹ جائے گا، عوام بپھر گئے تو حکمرانوں کو بھاگنے کا راستہ نہیں ملے گا۔
انہوں نے کہا کہ جماعت اسلامی تمام مسالک کی تکریم کرتی ہے لیکن کسی مسلک کی نمائندہ نہیں، جماعت اسلامی اس حوالے سے 15جنوری کو ریفرنڈم کروائے گی۔
