وائٹ ہائوس نے وینزویلا کی ناکہ بندی سے بچ نکلنے والے روسی بحری جہاز پر قبضے کے بعد ایک بیان میں کہا ہے کہ جہاز کے عملے کو اب قانونی کارروائی کا سامنا کرنا پڑیگا۔
ترجمان وائٹ ہائوس کیرولین لیوٹ نے بحر اوقیانوس میں آئل ٹینکر کو قبضے میں لینے کے سوال پر کہا کہ امریکا تمام پابندیوں پر پوری طرح عمل کرائیگا، وینزویلا کے تیل کی فروخت کی تمام رقم امریکی اکانٹس میں جمع ہوگی۔
پریس بریفنگ میں ترجمان کا کہنا تھا کہ گرین لینڈ سے متعلق تمام آپشن ٹیبل پر ہیں، پہلا آپشن ہمیشہ سفارتکاری ہوتا ہے، ٹرمپ انتظامیہ وینزویلا کے عبوری حکام سے قریبی رابطے میں ہے، وینزویلا کے عبوری حکمرانوں کے فیصلے امریکا کے بتائے ہوئے ہونگے، امریکا معاہدے پر وینزویلا اور تیل کی امریکی صنعت کیساتھ کام کر رہا ہے۔
ترجمان نے کہا کہ تیل کمپنیوں کے سربراہان رواں ہفتے وائٹ ہائوس آئیں گے اور ضرورت پڑی تو آئل ورکرز کے تحفظ کیلئے صدر ٹرمپ امریکی فوج استعمال کرنے کا حق رکھتے ہیں، انہوں نے وینزویلا میں انتخابی ٹائم ٹیبل پر بات کرنیکو قبل از وقت قرار دیا۔
