نیپرا نے ملک بھر کے بجلی صارفین کیلئے بجلی قیمت میں 93 پیسے فی یونٹ کمی کا اعلان کردیا۔
نیپرا اعلامئے کے مطابق بجلی قیمت میں کمی نومبر کی فیول پرائس ایڈجسٹمنٹ کی بنیاد پر کی گئی ہے جس کا مقصد صارفین پر بوجھ کم کرنا اور قیمتوں میں توازن قائم رکھنا ہے۔
اعلامئے کے مطابق فیصلے کا اطلاق کراچی سمیت ملک بھر کے بجلی صارفین پر ہوگا اور انہیں جنوری کے بجلی بلوں میں اس کمی کا عملی فائدہ ملے گا، اعلامئے کے مطابق یہ ریلیف پہلے سے رعایتی نرخوں پر بجلی استعمال کرنیوالے لائف لائن صارفین پر لاگو نہیں ہوگا۔
