متحدہ قومی موومنٹ (ایم کیو ایم) پاکستان نے کراچی بچاؤ مہم شروع کرنے کا اعلان کر دیا ہے۔
ایم کیو ایم کے مرکز بہادر آباد میں پریس کانفرنس سے خطاب کرتے ہوئے ڈاکٹر فاروق ستار کا کہنا تھا کہ نیا سال بہت ساری توقعات لیکر آیا ہے، پاکستان نے تاریخی معرکہ مارا، 6 سے 10 مئی ہماری تاریخ میں سنگ میل کی حیثیت رکھتی ہیں، اسکا کریڈٹ فیلڈ مارشل، افواج پاکستان اور حکومت کو جاتا ہے جبکہ اسوقت عوام افواج پاکستان کیساتھ سیسہ پلائی ہوئی دیوار بن کر کھڑے رہے، 2026 میں اب معرکہ معیشت کی طرف جانا ہے، ملک کی بقاء و سلامتی کراچی سے وابستہ ہے اور اگر ملک کو بچانا ہے تو کراچی کو بچانا ہے، ایم کیو ایم کراچی بچائو مہم کے ذریعے اپنا حصہ ڈال رہی ہے، مہم کے تحت ایم کیو ایم کے وفود کراچی میں مختلف سیاسی جماعتوں، وکلاء، تاجروں، صنعتکاروں سمیت مختلف شعبہ ہائے زندگی سے تعلق رکھنے والے افراد سے ملاقات کرینگے اور کراچی کا مقدمہ انکے سامنے رکھیں گے۔
انکا کہنا تھا کہ ایم کیو ایم کے بانی سے ایم کیو ایم کو الگ کیا تھا اور وہ اس فیصلے پر قائم ہیں، ڈاکٹر عمران فاروق کو لندن میں قتل کیا گیا اور یہ معاملہ 2 حکومت کے درمیان بھی آیا۔
