خیبر پختونخوا کے اضلاع لکی مروت اور بنوں میں نامعلوم موٹرسائیکل سوار دہشتگردوں نے فائرنگ کرکے ڈیوٹی پر مامور 4 ٹریفک پولیس اہلکاروں کو شہید کردیا ہے۔
ذرائع کے مطابق لکی مروت میں ٹریفک پولیس اہلکار ڈیوٹی پر موجود تھے کہ نامعلوم افراد نے فائرنگ کر دی جس کے نتیجے میں انچارج ٹریفک پولیس نورنگ جلال خان، پولیس کانسٹیبل عزیز اللہ اور پولیس کانسٹیبل عبداللہ شامل شہید ہوگئے، واقعہ کی اطلاع ملتے ہی پولیس کی بھاری نفری موقع پر پہنچ گئی، شہید اہلکاروں کو نورنگ ہسپتال منتقل کر دیا گیا جبکہ پولیس نے علاقے کو گھیرے میں لے کر سرچ آپریشن شروع کر دیا۔
دوسری جانب بنوں کے تھانہ منڈان کی حدود کفشی خیل میں پولیس اہلکار رشید خان موٹر سائیکل سواروں کی فائرنگ سے شہید ہوگیا۔
ترجمان پولیس کے مطابق بنوں ریجن میں چار گھنٹوں کے دوران چار پولیس اہلکار شہید ہوگئے ہیں، نامعلوم موٹرسائیکل سوار دہشتگرد فائرنگ کے بعد موقع سے فرار ہو گئے ہیں۔
