وزیر دفاع خواجہ آصف نے بھارتی وزیر خارجہ کے بیان کی مذمت کرتے ہوئے کہا ہے کہ بھارت میں اقلیتوں کو نشانہ بنانا سٹیٹ پالیسی بن چکا، مودی مزید حکمران رہا تو بھارت تتر بتر ہو جائے گا۔
نجی ٹی وی سے گفتگو کرتے ہوئے خواجہ آصف نے کہا کہ بھارت میں مسلمانوں، عیسائیوں اور سکھوں کے خلاف کارروائیاں جاری ہیں، وہاں اقلیتوں کو ٹارگٹ کرنا سٹیٹ پالیسی بن گئی ہے۔
انہوں نے کہا کہ مودی کو مذہبی اور انسانی اقدار کا کوئی پاس نہیں ہے، اس کے ہاتھ گجرات میں بطور وزیراعلی مسلمانوں کے خون سے اپنے ہاتھ رنگے ہوئے ہیں۔
انہوں نے کہا کہ بھارت میں کرسمس کے موقع پر عیسائیوں کیساتھ ناروا سلوک کیا گیا جبکہ پاکستان میں حکومتی سرپرستی میں کرسمس کی تقریبات منعقد کی گئیں۔
وزیر دفاع نے کہا کہ مودی نے اقلیتوں کیخلاف کارروائیاں اپنی شہرت برقرا رکھنے کیلئے کروائیں اگر مودی مزید حکمران رہا تو بھارت تتر بتر ہو جائے گا۔
