سوشل میڈیا پر ان دنوں بھارتی وزیراعظم نریندر مودی کو لیکر ایک دلچسپ تجربہ چھایا ہوا ہے، سوشل میڈیا پلیٹ فارم ایکس کے اے آئی چیٹ بوٹ گروک نے وزیراعظم مودی کو ان پڑھ اور احمق قرار دیدیا ہے جس پر مودی کو ایک مرتبہ پھر سوشل میڈیا پر شرمندگی کا سامنا کرنا پڑا۔
غیر ملکی میڈیا کے مطابق سوشل میڈیا سائٹ ایکس پر ایک صارف کی جانب سے تصویر پوسٹ کی گئی جس میں وزیراعظم نریندر مودی، کانگریس رہنماء راہول گاندھی اور بھارتی لوک سبھا(ایوان زیریں)کے سپیکر موجود تھے، ایک صارف کی جانب سے ایکس کے اے آئی چیٹ بوٹ گروک کو ٹیگ کر کے کہا گیا کہ اس تصویر میں سے ان پڑھ شخص کو ہٹادو، اس مطالبہ پر جواب میں گروک نے مودی کو تصویر سے ہٹادیا، اسی طرح اسی پوسٹ میں ایک اور صارف نے گروک سے فرمائش کی کہ تصویر میں سے احمق شخص کو ہٹادو، اس بار بھی گروک نے مودی کو ہٹا کر تصویر پیش کردی۔
بعدازاں یہ معاملہ سوشل میڈیا پر وائرل ہوگیا اور اس حوالے سے صارفین کے دلچسپ تبصرے اب بھی جاری ہیں۔
دوسری جانب مودی کے حامی ایکس سے ناراض بھی دکھائی دے رہے ہیں۔
