وین چھانگ، ہائی نان(شِنہوا)چین نے بدھ کے روز جنوبی جزیرہ صوبے ہائی نان کے ساحلی علاقے میں وین چھانگ خلائی لانچ سائٹ سے دو نئے سیٹلائٹس مدار میں بھیج دیئے۔
شی جیان-29 اے اور شی جیان-29 بی سیٹلائٹس کو بیجنگ کے وقت کے مطابق صبح 6 بج کر 40 منٹ پر لانگ مارچ-7 اے کیریئر راکٹ کے ذریعے خلا میں روانہ کیا گیا۔ سیٹلائٹس کامیابی کے ساتھ اپنے مقررہ مدار میں داخل ہو گئے۔
یہ سیٹلائٹس بنیادی طور پر خلائی اہداف کی نشاندہی سے متعلق نئی ٹیکنالوجی کی جانچ اور تصدیق کے لئے استعمال کئے جائیں گے۔
یہ لانگ مارچ سیریز کے کیریئر راکٹس کا 623 واں مشن تھا۔
