ٹیسٹ کرکٹ ٹیم کے کپتان شان مسعود نے پاکستان کی تاریخ میں تیز ترین فرسٹ کلاس ڈبل سنچری بنا کر سابق لیجنڈ کپتان انضمام الحق کا ریکارڈ توڑ دیا ہے۔
انہوں نے ایس این جی پی ایل کی نمائندگی کرتے ہوئے ساحر ایسوسی ایٹس کیخلاف 177 گیندوں پر ڈبل سنچری مکمل کی۔
اس سے قبل تیز ترین فرسٹ کلاس ڈبل سنچری کا ریکارڈ انضمام الحق کے پاس تھا جنہوں نے 1992 میں آکسفورڈ اینڈ کیمبرج یونیورسٹی کیخلاف فرسٹ کلاس ٹور میچ میں 188گیندوں پر ڈبل سنچری بنائی تھی، شان مسعود کی ڈبل سنچری پاکستانی سرزمین پر بھی تیز ترین فرسٹ کلاس ڈبل سنچری ہے۔
2006 میں وریندر سہواگ نے لاہور ٹیسٹ میں 182 گیندوں پر ڈبل سنچری بنائی تھی۔
