لیجنڈ فٹبال سٹار کرسٹیانو رونالڈو نے مسلسل تیسری مرتبہ مشرق وسطی کے بہترین فٹبالر آف دی ایئر کا اعزاز اپنے نام کیا۔
40 سالہ پرتگالی سٹار اور عالمی شہرت یافتہ فٹبالر کو یہ اعزاز دبئی میں منعقد ہونیوالی گلوب سوکر ایوارڈز کی تقریب میں دیا گیا جہاں انہوں نے کریم بنزیما، سالم الدوسری اور ریاض محرز جیسے نمایاں کھلاڑیوں کو پیچھے چھوڑا۔
2025کے دوران رونالڈو نے تمام مقابلوں میں مجموعی طور پر 40گول سکور کیے جو انکی شاندار فارم اور مستقل کارکردگی کا واضح ثبوت ہے، وہ اسوقت سعودی عرب کے معروف کلب النصر کی نمائندگی کر رہے ہیں اور انکا معاہدہ 2027 کے وسط تک جاری رہے گا۔
عمر کے اس مرحلے میں بھی رونالڈو کی فٹنس، نظم و ضبط اور گول سکور کرنے کی صلاحیت نوجوان کھلاڑیوں کیلئے مثال ہے، انکی مسلسل تیسری کامیابی اس بات کی عکاس ہے کہ وہ نہ صرف میدان بلکہ میدان سے باہر بھی عالمی فٹبال پر گہرا اثر رکھتے ہیں۔
