محکمہ موسمیات نے ملک میں بارشوں کی پیشگوئی کرتے ہوئے کہا ہے کہ مغربی ہوائوں کا سلسلہ کل سے ملک کے مغربی علاقوں میں داخل ہو سکتا ہے جس سے آئندہ چند روز میں وقفے وقفے سے بارشیں ہونے کی توقع ہے، مغربی ہوائوں کا سلسلہ 30 دسمبر سے مزید مضبوط ہو کر 31 دسمبر کو ملک کے بالائی اور وسطی علاقوں کو اپنی لپیٹ میں لے گا اوریہ صورتحال 2 جنوری 2026 تک بالائی علاقوں میں برقرار رہنے کا امکان ہے۔
آج رات سے 31دسمبر کے دوران بلوچستان کے کوئٹہ، زیارت، چمن، پشین، قلعہ عبداللہ، قلعہ سیف اللہ، نوشکی، ہرنائی، ژوب، قلات، بارکھان، سبی، لورالائی، موسی خیل، تربت، گوادر، جیوانی، لسبیلہ، کیچ، آواران، چاغی، پنجگور، خضدار، واشک اور خاران میں تیز ہوائوں، گرج چمک کیساتھ بارش اور پہاڑوں پر برفباری کا امکان ہے، انہی دنوں کے دوران سندھ کے کراچی، حیدرآباد، دادو، جیکب آباد، کشمور، لاڑکانہ، ٹھٹھہ، بدین اور گردونواح میں چند مقامات پر ہلکی بارش کا امکان ظاہر کیا گیا ہے۔
30 دسمبر اور یکم جنوری کے دوران خیبرپختونخوا کے اضلاع چترال، دیر، سوات، شانگلہ، کوہستان، بٹگرام ،مانسہرہ، ایبٹ آباد، ہری پور، بونیر، باجوڑ، مہمند، خیبر، اورکزئی، کرم، وزیرستان، پشاور، چارسدہ، نوشہرہ، صوابی، بنوں، کرک، ڈیرہ اسماعیل خان، ٹانک اور کوہاٹ میں تیز ہوائوں اور گرج چمک کیساتھ وقفے وقفے سے بارش کا امکان ہے اور بالائی علاقوں میں درمیانی سے شدید درجے برفباری کی بھی توقع ہے۔
30دسمبر کی شام سے 2 جنوری کے دوران گلگت بلتستان کے علاقوں دیامیر، استور، غذر، سکردو، ہنزہ، گلگت، گانچھے، شگر اور کشمیر کے علاقوں وادی نیلم، مظفرآباد، پونچھ، ہٹیاں، باغ، حویلی، سدھنوتی ، کوٹلی، بھمبر، میرپور مری اور گلیات میں تیز ہوائوں اور گرج چمک کیساتھ وقفے وقفے سے بارش اور پہاڑوں پر برفباری کا امکان ہے۔
31دسمبر اور یکم جنوری کو اسلام آباد، راولپنڈی، خطہ پوٹھوہار، سرگودھا، فیصل آباد، منڈی بہاالدین، سیالکوٹ، نارووال، لاہور، شیخوپورہ، گجرات میں تیز ہوائوں اور گرج چمک کیساتھ بارش متوقع ہے، 31 دسمبر کے روز میانوالی، بھکر، سرگودھا، خوشاب، نورپورتھل، لیہ، ڈیرہ غازی خان، ملتان، بہاولپور، رحیم یار خان، بہاولنگر، مظفر گڑھ، جھنگ اور ساہیوال میں چند مقامات پر تیز ہوائوں اور گرج چمک کیساتھ بارش کا امکان ہے۔
