شمالی کوریا نے اپنی پہلی ایٹمی آبدوز کی نئی تصاویر جاری کردی ہیں۔
غیر ملکی میڈیا کے مطابق جاری تصاویر سے ظاہر ہوتا ہے کہ شمالی کوریا میں مقامی سطح پر ایٹمی آبدوز کی تیاری میں کافی پیشرفت ہوئی ہے، پہلی بار اسکا اعلان مارچ میں کیا گیا تھا۔
شمالی کوریا نے نئی تصاویر جاری کرتے ہوئے یہ دعویٰ بھی کیا ہے کہ انکی پہلی جوہری آبدوز کا سائز امریکی بحریہ کے حملہ آور جہازوں میں سے کچھ کے برابر ہے۔
شمالی کوریا کی سرکاری میڈیا کی جانب سے جاری تصاویر میں کم جونگ ان کو آبدوز میں گائیڈڈ میزائل کا معائنہ کرتے ہوئے دکھایا گیا ہے جس سے ظاہر ہوتا ہے کہ اسے ابھی تک لانچ نہیں کیا گیا۔
شمالی کوریا کے رہنما کِم جونگ ان نے ایٹمی آبدوز کی تیاری پر اپنی بحریہ کی جدید کاری اور جوہری ہتھیاروں میں ایک اہم قدم قرار دیا ہے۔
