یوکرینی صدر نے مشرقی صنعتی علاقے ڈونباس سے اپنے فوجی دستے نکالنے پر مشروط آمادگی ظاہر کرتے ہوئے کہا ہے کہ اگر روس بھی اپنی افواج واپس بلائے اور اس علاقے کو بین الاقوامی نگرانی میں غیر فوجی علاقہ (ڈیمیلٹرائزڈ زون) قرار دیا جائے تو یوکرین اس اقدام پر غور کر سکتا ہے۔
یوکرین کے صدر ولادیمیر زیلنسکی نے صحافیوں سے گفتگو کرتے ہوئے کہاکہ امریکا کی جانب سے ڈونباس میں ایک آزاد اقتصادی زون قائم کرنے کی تجویز دی گئی ہے جسے ڈیمیلٹرائزڈ رکھنے پر بھی بات ہو رہی ہے تاہم اس کے انتظامی اور ترقیاتی معاملات سے متعلق تفصیلات تاحال سامنے نہیں آئیں۔
انہوں نے کہا اسی طرز کا انتظام زاپوریژیا نیوکلیئر پاور پلانٹ کے اطراف بھی ممکن ہے تاکہ علاقے کو محفوظ بنایا جا سکے، کسی بھی ممکنہ امن معاہدہ کو یوکرینی عوام کے ریفرنڈم کے ذریعے منظور کرانا ضروری ہوگا۔
