بنگلہ دیش کی سابق وزیراعظم خالدہ ضیاء کے 60 سالہ بیٹے اور بنگلادیش نیشنلسٹ پارٹی کے عبوری چیئرمین طارق رحمٰن 17 سالہ جلاوطنی ختم کر کے وطن واپس پہنچ گئے ہیں، وہ گزشتہ روز اپنی بیٹی اور اہلیہ کے ہمراہ ڈھاکہ پہنچے۔
غیر ملکی میڈیا کے مطابق انکی واپسی ایسے وقت میں ہو رہی ہے جب بنگلہ دیش میں اہم انتخابات کا انعقاد ہونیوالا ہے۔
سیاسی مبصرین کے مطابق بی این پی اسوقت انتخابات میں سب سے مضبوط جماعت کے طور پر ابھر رہی ہے اور کسی بڑی غیر متوقع صورتحال کے بغیر اسکی کامیابی کے امکانات زیادہ ہیں۔
طارق رحمٰن نے حالیہ مہینوں میں واضح کیا ہے کہ بی این پی کی حکومت بننے کی صورت میں بنگلادیش کی خارجہ پالیسی بنگلادیش فرسٹ ہوگی۔
