وفاقی وزیر پاور ڈویژن سردار اویس احمد خان لغاری نے کہا ہے کہ نیٹ میٹرنگ نرخوں کا معاملہ نیشنل الیکٹرک پاور ریگولیٹری اتھارٹی(نیپرا)کے پاس ہے، نیپرا نے اس پر عوامی آرا طلب کر رکھی ہے۔
قومی اسمبلی کی قائمہ کمیٹی پاور کے اجلاس میں انہوں نے کہا کہ کہ نیٹ میٹرنگ پر پاور ڈویژن بھی اپنی رائے دیگی، پہلے سے موجود نیٹ میٹرنگ صارفین کیلئے کوئی تبدیلی زیر غور نہیں ہے۔
اویس لغاری نے کہا کہ صوبوں کے 8 ارب روپے کے بقایاجات مشترکہ مفادات کونسل کی ہدایات کی روشنی میں کاٹے گئے، صوبے اپنے بجلی بقایاجات کی ادائیگیاں بروقت کریں۔
سیکرٹری پاور ڈویژن نے بتایا کہ صوبوں کے ذمہ بجلی بقایاجات کی مد میں 166 ارب روپے ہیں۔
