وزیراعظم شہباز شریف نے متحدہ عرب امارات کو پاکستان میں مختلف شعبوں میں سرمایہ کاری کی دعوت دی ہے۔
ذرائع کے مطابق بدھ کو وزیراعظم سے یو اے ای کے سفیر نے ملاقات کی وزیراعظم نے دونوں ممالک کے دیرینہ اور برادرانہ تعلقات کو سراہا اور اماراتی قیادت کیلئے نیک تمنائوں اور خیر سگالی کے جذبات کا اظہار کیا۔
وزیراعظم نے کہا کہ دونوں ممالک کے تعلقات کئی دہائیوں سے باہمی احترام، دوستی اور قریبی تعاون پر مبنی ہیں، متحدہ عرب امارات کے صدر اور ابوظہبی کے حکمران کے آئندہ دورہ پاکستان کا منتظر ہوں۔
وزیراعظم نے دونوں ممالک کے درمیان دوطرفہ تجارت کے حجم پر اظہار اطمینان کرتے ہوئے پاکستان کی اقتصادی ترقی اور استحکام کیلئے اہم شعبوں میں یو اے ای کو سرمایہ کاری کی دعوت دی۔
